, nalazi se ostrvo Sokotra. Zbog svoje raskošne lepote i bujne vegetacije, s razlogom se naziva draguljem Arapskog mora.){kind=link}
U Indijskom okeanu, na nešto više od 200 kilometara udaljenosti od Roga Afrike (poluostrva u istočnoj Africi), nalazi se ostrvo Sokotra. Zbog svoje raskošne ljepote i bujne vegetacije, s razlogom se naziva draguljem Arapskog mora.
Ovo, jedno od najneobičnijih i najizolovanijih mjesta na svijetu, odvojeno je od kopna prije 20 miliona godina. Pripada Republici Jemen, a od 2008. godine nalazi se pod zaštitom UNESCO-a. Sa svojih 125 kilometara dužine i 45 kilometara širine, ono predstavlja najveće ostrvo na Bliskom istoku, čije su fascinantne plaže posebno popularne među surferima i roniocima.
Usljed ekstremnih klimatskih uslova, postalo je dom za različite vrste biljaka i ptica, od kojih se mnoge ne mogu vidjeti nigdje drugdje. Među njima se ističe čuveno zmajevo krvavo drvo (dracaena cinnabari), karakteristično po svom atraktivnom i neobičnom izgledu.
Ovdje živi i nešto više od 40.000 stanovnika, od kojih se većina i dan danas bavi ribolovom, stočarstvom, poljoprivredom ili pak prodajom suvenira. Oni su gostoljubivi prema turistima, pa neke od njih nerijetko pozovu da im se pridruže u ovoj aktivnosti.
Glavni grad Hadibu, kao i uostalom cijela Sokotra ne posjeduje elektranu, tako da nešto malo struje proizvode mali generatori. No, uprkos tome, posjetioci su očarani divljom prirodom ovog mjesta. Takođe, zbog jakih monsunskih vjetrova, u periodu od juna do septembra, ova destinacija postaje veoma nepristupačna.