Zlatni globus: Dominacija „Openhajmera“

Foto: EPA-EFE

Na dodjeli 81. Zlatnog globusa u Los Anđelesu najviše nagrada pripalo je filmu „Openhajmer” reditelja Kristofera Nolana, koji je od osam nominacija ponio pet nagrada, uključujući i Zlatni globus za najbolji film. Film „Jadna stvorenja” u režiji Jorgosa Lantimosa proglašen je najboljim mjuziklom–komedijom. Ostvarenje „Barbi“, koje je imalo čak 10 nominacija, dobilo je svega dvije nagrade.

Aposlutni pobjednik ovogodišnje dodjele Zlatnog globusa je ostvarenje Openhajmer koji je dobio nagrade u kategorijama: za najbolji film, režiju, najboljeg glumca, najbolju sporedna mušku ulogu i najbolji orginalni scenario, piše RTS.

Nagrada za najbolju glumicu u kategoriji drame otišla je u ruke Lili Gladstoun za ulogu u filmu Ubistva pod cvjetnim mjesecom reditelja Martina Skorsezea, dok je za najboljeg glumca u istoj kategoriji proglašen Kilijan Marfi za ulogu u filmu Openhajmer.

Najbolji glumac u kategoriji mjuzikl–komedija je Pol Džijamati za ulogu u filmu The Holdovers, dok je najbolja glumica u istoj kategoriji Ema Stoun za ulogu u ostvarenju Jadna stvorenja.

Najbolji sporedni glumac je Robert Dauni Džunior za ulogu u filmu Openhajmer, dok je nagrada za najbolju sporednu glumicu otišla u ruke Davajn Džoj Randolf za ulogu u ostvarenju The Holdovers.

U kategoriji filmskih serija Zlatni globus pripao je dramskoj seriji Nasljeđe, a serija Medved proglašena za najbolju TV komediju.

Najbolji glumac u seriji u kategoriji drame je Kiran Kalkin u seriji “Nasljeđe”, dok je najbolji glumac u seriji u kategoriji mjuzikla ili komedije Džeremi Alen Vajt u seriji “Medved”, a najbolja glumica u istoj kategoriji je Ajo Edebiri za ulogu u istoj seriji.

Iako je na listi nominacija vodio globalni fenomen „Barbi“ sa čak 10 nominacija, dobio je svega dvije nagrade i to za najbolju originalnu pjesmu i za film koji je osvario najveću zaradu u bioskopima.

Nagradu za najbolji scenario dobili su Džastin Trit i Artur Harari za Anatomiju pada, a taj film je proglašen i za najbolji film van engleskog govornog područja.

Najbolji animirani film je Dječak i čaplja.

Ove godine prvi put je dodijeljena nagrada u kategoriji stendap komedija, a nagrada je pripala Rikiju Žerveu.